गृहमन्त्री थापालाई पनि माओवादी केन्द्रले सांसदबाट हटायो।

राजनीतिक समाचार ।

  ग्राण्ड सम्बाददाता
 166 पटक हेरिएको

गृहमन्त्री रामबहादुर थापालाई पनि माओवादी केन्द्रले सांसदबाट हटायो।

काठमाडौं : नेकपा माओवादी केन्द्रले गृहमन्त्री रामबहादुर थापा ‘बादल’ राष्ट्रिय सभामा आफ्नो पार्टीको सांसद नरहेको जानकारी गराएको छ। माओवादी केन्द्रले राष्ट्रियसभा सचिवालयालाई शुक्रबार पत्र लेखेर थापालाई दलबाट हटाएको जानकारी गराएको हो। नेकपा (एमाले) अध्यक्ष केपी शर्मा ओलीले थापालाई २८ फागुनमा केन्द्रीय सदस्यमा मनोनयन गरेका थिए।

यसअघि माओवादी केन्द्रले दल त्याग गरेर एमालेमा प्रवेश गरेका कैलाली-४ का लेखराज भट्ट, अर्घाखाँचीका टोपबहादुर रायमाझी, रौतहट-३ का प्रभु साह र कैलाली-३ का गौरीशंकर चौधरीको सांसद पद खारेज गरेको थियो । तर, प्रधानमन्त्री केपी ओलीले मन्त्री पदमा पुननियुक्तिको सिफारिस गरेपछि उनीहरु मन्त्री बन्दै छन्।

राष्ट्रपति विद्याभण्डारीले पुनर्नियुक्त मन्त्रीहरुलाई आजै साँझ शपथग्रहण गराउने कार्यक्रम तय भएको प्रधानमन्त्री निकट स्रोतले जनाएको छ।

तपाईको प्रतिक्रिया

सम्बन्धित समाचार