साविक विजेता बायर्न म्युनिखको साँघुरो जित ।

  ग्राण्ड सम्बाददाता
 20 पटक हेरिएको

एजेन्सी / जर्मन बुन्डेसलिगा फुटबलमा साविक विजेता बायर्न म्युनिखले साँघुरो जित निकालेको छ ।शनिबार राति भएको खेलमा बायर्नले बलियो प्रतिद्वन्दी बोरुसिया डर्टमण्डलाई ३-२ गोल अन्तरले पराजित गरेको हो ।

डर्टमण्डको मैदानमा बायर्नलाई जित दिलाउन डेभिड अल्बा, रोबर्ट लेवान्डोस्की र लोरी सानेले एक एक गोल गरे ।डर्टमण्डका मार्को रिउस र अर्लिङ हालाण्डले एक/एक गोल फर्काए ।

खेलमा सुरुवाती अग्रता भने डर्टमण्डले बनाएको थियो । २४औं मिनेटमा लेवान्डोस्कीले गोल गरे पनि अफसाइड भयो । ४५औं मिनेटमा रिउसले गोल गर्दै घरेलु टोलीलाई अग्रता दिलाए ।

तर, पहिलो हाफको इन्जुरी समयमा बायर्नका अल्बाले गोल गरेपछि पहिलो हाफ १-१ गोलको बराबरीमा सकियो ।
दोस्रो हाफको सुरूवातमै अर्थात् ४८औं मिनेटमा लेवान्डोस्कीले गोल गर्दै बायर्नलाई २-१ को अग्रता दिलाए ।

८०औं मिनेटमा सानेले गोल गर्दा बायर्नको अग्रता ३-१ को बन्यो ।
खेलको ८३औं मिनेटमा हालाण्डले एक गोल फर्काए । तर, त्यसपछि गोल हुने सकेन र अन्ततः बायर्नले खेल ३-२ ले जित्यो ।

जितसँगै बायर्नले शीर्ष स्थान यथावत राखेको छ । बायर्नले ७ खेलमा ६ जित र एक बराबरीसहित १८ अंक जोडेको छ । डर्टमण्ड ७ खेलमा १५ अंक जोडेर तेस्रो स्थानमा रहेको छ ।

तपाईको प्रतिक्रिया

सम्बन्धित समाचार